المساعد الشخصي الرقمي

مشاهدة النسخة كاملة : أميرة فى عالم ديزنى


TheEgyptian Duke
2015-02-26, 02:11 AM
سارحة فى خيالى بفكر من طفلة فى عالم خيال برسم أميرى والون أصله صورة من الكمال وبساط يشيلنى وأطير وألف بلاد ما هو عالم مفيهوش محال ألاقينى مرة عروسة بحر وساعات ملكة فوق جبال وأمسك النجوم بإيدى وأنام فوق سحاب وأحلم ما الحلم أكيد حلال أساطير عن جنى من مصباح يقولى أحلامك سهلة المنال وأفضل أجرى وأطير وأسبح فى بحر أحلامى ومايشغلنيش أبدا بال فى عالم نقى مافيهوش شر ولا فيه سيادة مال لحد ما تنزل ستارة النهاية وقتها بصحى من حلمى وتخيب الآمال هتسالنى وقتها هتنزلى لأرض الواقع أرض النفاق والأثقال هضحك واقولك حتى لو جالى يوم وصحيت من حلمى كما يقول المثال ساعتها هنسج قصة تانية من خيالى وأرسمها وأصدقها مش محتاجة لسؤال منا أميرة فى عالم ديزنى كبير كثرت فيه الأقوال