قديم 2015-03-09, 07:12 PM
المشاركة : ( 1 )
الصورة الرمزية TheEgyptian Duke
TheEgyptian Duke
.::◄ الـمـديـر الـعـام ►::.
افتراضي بَعْد غيبِتها
بعد ما طالت غيبِتها جايّة تسأل: عامِل ايه؟ بعد أنا ما خلاص.. نسِيتها جايّة تحكِى تانى ليه ؟ إحنا مش كُنا اتفقنا إننا مش زى بعض ؟ اختلاف كبير ما بينّا حتى يمِكن.. بينّا سَد؟ إحنا مش كُنا اتعاهدنا إن ده.. آخر وداع ؟ وإن أى شعور ما بينّا اتنسى خالص وضاع؟ إنتِ لسه ما نسيتيش.. جيتى حَنّيتى لزمانى ؟ ولّا لسه ما لقيتيش حَد يملالِك مكانى ؟ إنتى حسّيتى أنه ضاع إللى بتحبيه بجَد ؟ ولّا فى حياتِك فراغ قُلتى يملاه أى حَد ؟ لو هجاوبِك عن سؤالِك عامِل ايه؟.. عادى وتمام مش تملّى بنادى طيفِك أو بشوفِك فى المنام غِيبتِك أنتِ ما كانش فيها أى حاجة غايبة فيّا كل حاجة تعرفيها عن حياتى..هيّة هيّة مش هقول حَنّيت لغيرِك واحدة تانية مَلِت حياتى بس لا أنتِ.. ولا غيرِك إللى واقفة عليه حياتى دُنيتى عالَم كِبير مش بحِس بأى وِحدة دُنيتى أكبر كِتير مِنِّك انتى وأى واحدة
الـمـصـدر : معهد بسمة مصرية - مـن : الشعر و الخواطر - كـاتـب الـمـوضـوع : TheEgyptian Duke

مـن مـواضـيع TheEgyptian Duke
مساحة إعلانية


بَعْد غيبِتها
أدوات الموضوع
انواع عرض الموضوع

الانتقال السريع